Matriz ou Rúbrica de avaliación do Caderno. Tecnoloxía 4º ESO. Curso 2019-2020.

Na materia de Tecnoloxía, na que non temos libro de texto, é moi importante que contes cun bo caderno de clase. É por isto que se lle da tanta importancia ao Caderno, para calcular a nota final da materia (un 20% da nota).

Para avaliar o teu Caderno se utilizarán 2 matrices ou rúbricas de avaliación, que podes consultar de seguido.

Por un lado é importante ter un caderno completo, ordenado e lexible, que permita preparar en condicións o exame da materia. Na seguinte imaxe podes ver a matriz ou rúbrica de avaliación do caderno (valorando unicamente a Presentación e o Contido):

Por outro, debe recoller tódolos exercicios realizados, prestando especial atención á súa correcta realización como preparación do exame. Nesta outra imaxe podes ver a matriz ou rúbrica de avaliación dos exercicios recollidos no caderno:

Presentación da materia: Tecnoloxía de 4º de ESO. Curso 2020-2021.

A secuenciación da materia, será:

• 1ª Avaliación: Sistemas de comunicación e robótica.

                       Tema 1: Introdución á Electricidade e Electrónica (Teoría e práctica).

• 2ª Avaliación: Sistemas electrónicos.

                      Tema 2: Introdución aos Sistemas Electrónicos (Teoría e práctica).

• 3ª Avaliación: Proxectos (III).

                      Tema 3: Introdución á Electrónica Dixital (Teoría e práctica).

A materia a podemos dividir en:

 

O traballo se fará de xeito individual e en grupos.

CRITERIOS DE CUALIFICACIÓN:
1ª, 2ª e 3ª Avaliacións:

• Un 20% da nota corresponderá ao caderno, avaliándose a correcta recollida dos apuntes e a súa integridade.
• Un 70% da nota obterase da avaliación dos traballos individuais e en grupo, dos exercicios e dos controis teóricos.
• Un 10 % corresponderá á responsabilidade, dilixencia e presentación final das diversas tarefas relacionadas cos contidos tratados na aula taller.

Benvida ao novo Curso 2020-2021

Benvidos un novo curso ao blogue de aula, da materia de Tecnoloxía de 4º de ESO, do IES. Chano Piñeiro.

Neste blogue podedes acceder aos diversos contidos teóricos e prácticos que  traballaremos durante o curso. Ademais podedes consultar entradas anteriores, nas que se recollen os proxectos realizados na aula-taller de Tecnoloxía.

Estes e outros contidos estarán tamén accesibles no curso da aula virtual en Google Classroom da materia de Tecnoloxía de 4º de ESO do IES. "Chano Piñeiro".

De novo un saúdo a todos e benvidos ao novo Curso.

O profesor: Manuel Andújar Matalobos.

Preparación de robots mClon para a competición Labirinto

Os grupos formados por Marcos Villaverde, Antía Pereira e Ángel Iglesias e por Santiago Martínez, Sergio Barbeitos e Irene Teijeiro, estiveron preparando durante a 3ª avaliación 5 mClon para empregalos na competición de Labirinto do vindeiro curso.

Os pasos que realizaron foron:

• Cambiar a configuración Segueliñas dos mClon pola necesaria para a competición Labirinto (sensor de ultrasóns á dereita e un único sensor de liña no frontal do robot).
• Facer modificacións no programa Labirinto obtido na sección Resolver un Labirinto da páxina mClon.
• Facer as probas co circuíto Labirinto utilizado na competición deste curso (2018-2019).

Proba inicial cos 5 mClon á vez nunha pequena sección de labirinto:

No seguinte vídeo pode observarse como os robots mClon son moi adecuados para este tipo de competición (dando mellores resultados que os robots Mbot Ranger).

(Nota: O circuíto está adaptado ao tamaño dos robots Mbot Ranger).

Creación dunha carcasa protectora para os mClon

Vista lateral dereito mclon co sensor de ultrasóns para o modo labirinto

O grupo formado por Ainara Casado e Zaira Cortizo, se encargou de deseñar unha carcasa protectora para o mClon.

Esperamos que o vindeiro curso os alumnos de 3º de ESO utilicen os robots mClon xunto cos Mbot Ranger nas súas prácticas de robótica e nas competicións, polo cal, é importante que soporten os esforzos derivados do seu manexo continuado por parte dos alumnos.

O obxectivo era facer unha carcasa que evitara que a manipulación dos robots soltara cables ou un golpe no robot afectara aos diversos sensores que o conforman.

A carcasa consta de 3 pezas:

• Lateral dereito: Ten 2 furados preparados para colocar o sensor de Ultrasóns.
• Lateral esquerdo: Ten 1 furado para colocar o zumbador.
• Tapa: Da rixidez ao conxunto e protexe aos cables de manipulacións e golpes.

De seguido tedes as ligazóns aos deseños realizados co programa FreeCAD:

• Lateral dereito mClon.fcstd
• Lateral esquerdo mClon.fcstd
• Tapa carcasa mClon.fcstd

E aos arquivos finais en formato stl:

• Lateral dereito mClon.stl
• Lateral esquerdo mClon.stl
• Tapa carcasa mClon.stl

Imaxes dun mClon, coa carcasa en cor amarela:

 Vista lateral dereito (non ten sensor de ultrasóns)

 Vista frontal

 Vista lateral esquerdo (co zumbador colocado)

Vista posterior

Probas de funcionamentos dos 6 mClon do Taller.

Erro observado entre o valor medido e o real no sensor de US do mClon2.

Nesta entrada recollemos as conclusións obtidas, no proceso de comprobación dos 6 robots, seguindo as Probas de funcionamento indicadas na páxina de mClon.
Nos seguintes documentos mostramos un resumo das conclusións obtidas:

• Comprobación funcionamento mClons.pdf
• Comprobación sensor de ultrasóns.ods

Zumbador: Funcionou correctamente. Varios robots tiñan mal conectado algún dos cables do zumbador (algún tiña a masa no pin 13, polo que facía sons incontroladamente).

Pulsador: En tódolos grupos funcionou perfectamente, só nun dos robots hai que destacar a rotura do cable que unía a ProtoShield coa placa Robotdyn UNO R3, o que obrigou a cambialo cable e realizar unha nova soldadura.

Motores: A 3 robots lle funcionaron os 2 motores, a outros 2 só lles funcionou 1 motor e a 1 robot ningún motor. Usamos o polímetro para comprobar as diversas conexións dos cables á protoboard, ao driver e aos motores. Os problemas principais detectados e correxidos foron:

• Para as conexións sobre a Protoboard reutilizamos cables obtidos de pares trenzados de RJ-45, que ás veces tiñan roturas interiores ou non facían unha boa conexión (se substituíron os cables).
• Nalgún robot había cables que non estaban conectados no pin apropiado (se conectaron ao pin correcto).
• Se detectou algún robot con soldadura defectuosa (se movía) nalgún dos seus motores (se soldaron de novo).
• Nun robot ao funcionar os 2 motores, algunha das rodas se movía en sentido contrario (solucionámolo invertendo os cables de alimentación do motor).

Sensores de liña: Funcionaron correctamente aínda que nalgún dos robots había unha diferencia de sensibilidade entre os 2 sensores de liña, o cal producía que perderan a liña no circuíto de proba do Mbot Ranger, pero non tivemos problemas ao usar como liña unha cinta illante negra.

Sensor ultrasónico: A tódolos robots lles funcionou o sensor, pero dando medidas pouco aproximadas. De seguido se mostran as gráficas correspondentes os valores reais de distancia e os valores indicados polos sensores de US de cada robot. En todas elas se pode apreciar que os sensores sempre miden unha distancia menor á real, e o erro vai aumentando co incremento da distancia ao obstáculo. Como se pode observar o comportamento de tódolos sensores é similar. Na imaxe inicial desta entrada se mostra o erro observado segundo a distancia para o robot mClon2 (é similar ao observado nos outros robots), nesta imaxe se pode ver que a función que describe o erro introducido nas medidas dos sensores de ultrasóns é:

f(x) = -0,2 x - 0,31

Poderíase por tanto facer unha corrección por Software do erro introducido polos sensores de ultrasóns, utilizando a función anterior para modificar as medidas obtidas polos sensores (x).

Montaxe e programación de 6 robots mClon

mClon5 rematado previamente polo profesor

Na fantástica páxina de tecnoloxía.org, atopamos a iniciativa mClon, que presenta dun xeito moi ben explicado como realizar clónicos do robot mBot de Makeblock a un precio asequible para os Centros de Secundaria.

Seguindo as instrucións da páxina mClon, encargamos e imprimimos en 3D o material necesario e, por uns 100 €, completamos a montaxe de 6 robots mClon para o taller de Tecnoloxía durante a 2ª avaliación como parte dos contidos de Sistemas Electrónicos que estamos a ver.

Antía, Marcos e Ángel montando o mClon1

Irene, Sergio e Santiago montando o mClon2

Ainara e Zaira montando o mClon3

Pablo, Gustavo e Nicolás montando o mClon4

O que etiquetamos como mClon5 o montou o profesor nunha fase previa de proba e o mClon6 o montou o profesor simultáneamente aos mClon dos alumnos.

En vindeiras entradas recolleremos o imprescindible proceso de comprobación dos robots seguindo as Probas de funcionamento indicadas na páxina de mClon.

Día da Ciencia e Tecnoloxía en Galego: Electromagnetismo. 4º ESO. Curso 2018-2019.

Traballos presentados nas actividades do día da Ciencia e Tecnoloxía en Galego, celebrado no IES. Chano Piñeiro o martes 15 de xaneiro de 2019.

Se presentaron os seguintes traballos relacionados co Electromagnetismo:

Tipos de materias magnéticos:
Se presentaron diversos tipos de materiais desde o punto de vista do magnetismo (diamagnéticos, paramagnéticos e ferromagnéticos). Se mostraron diversos tipos de materiais e a súa interacción.
Podes consultar un resumo do traballo presentado no seguinte documento: Tipos de materiais magnéticos.pdf.

Monitores:

• Ángel Iglesias.
• Santiago Martínez.

Imáns e escudos magnéticos:
Se explicaron os diversos tipos de imáns, permitindo a súa manipulación e explicando as súas características principais. Ademais se explicou que son os escudos magnéticos, mostrando e permitindo manipular escudos realizado con Mu-metal e o seu efecto sobre imáns de Neodimio.
Podes consultar un resumo do traballo presentado no seguinte documento: Imáns e escudos magnéticos.pdf.

Monitores:

• Ángel Iglesias.
• Santiago Martínez.

Motores homopolares:
Se explicaron os motores homopolares e se mostraron 3 versións realizadas polos propios monitores.
Podes consultar un resumo do traballo presentado no seguinte documento: Motores homopolares.pdf.

Monitores:

• Sergio Barbeitos.
• Gustavo Vargas.
• Marcos Villaverde.

Campos magnéticos (Leis fundamentais):
Se explicaron os fundamentos do Electromagnetismo mostrando un experimento baseado na lei de Lenz (descenso dun imán no interior dun tubo de aluminio) e uns motores bipolares e tripolares.
Podes consultar un resumo do traballo presentado no seguinte documento: Campos magnéticos.pdf.

Monitores:

• Pablo Montáns.
• Nicolás Vázquez.

Día da Ciencia e Tecnoloxía en Galego: Pirámides holográficas. 4º ESO. Curso 2018-2019.

Traballo presentado nas actividades do día da Ciencia e Tecnoloxía en Galego, celebrado no IES. Chano Piñeiro o martes 15 de xaneiro de 2019.

Monitoras:

• Ainara Casado.
• Zaira Cortizo.
• Antía Pereira.
• Irene Teijeiro.

O traballo consistiu na realización de pirámides holográficas para diversos dispositivos (móbiles, táblets e TV plana), obtención en internet de diversos vídeos para reproducir coas pirámides holográficas e explicar o seu fundamento.

Podes consultar un resumo do traballo presentado no seguinte documento: Fundamentos da Pirámide holográfica.pdf.

Entre as pirámides realizadas, destacar a usada para unha TV plana de 26" (ver no pdf a ligazón onde obtivemos as súas dimensións), elaborada en plástico de 2 mm de grosor.

Vídeo publicado na canle de Facebook do IES. Chano Piñeiro sobre as actividades realizadas.

Exemplo de plantilla para pirámide holográfica.